“Нягтлах тусам аюулгүй” аян үргэлжилж байна

Цагдаагийн ахлах дэслэгч М.Алтангэрэл: “Аюулгүй ажиллагаа-Амьдралын баталгаа” арга хэмжээ зохион байгуулагдаж байна

Цагдаагийн хошууч Т.Лхагвадорж: Хоёр зуун бод мал хулгайлсан бүлэг этгээдийг илрүүлэн, шалгаж байна

Цагдаагийн дэд хурандаа Б.Цэнгэлбаяр: Хүчирхийллийн гэмт хэрэг, зөрчлийн шинж, нөхцөл байдал тохиолдвол цагдаагийн байгууллагад шууд хандах хэрэгтэй.

Цагдаагийн хошууч Э.Баярбаясгалан: Хэн ч хаана ч хэзээ ч хүчирхийлэлд өртөх ёсгүй.

Цагдаагийн хурандаа О.Зоригт: Оны эхний 4 сарын гэмт хэргийн статистик мэдээ эерэг гарч, гэмт хэрэг буурсан

ЦАГДААГИЙН ДЭСЛЭГЧ Б.ЭНХЧИМЭГ: ИРГЭД ЦАХИМ ЗАЛИЛАНГААС УРЬДЧИЛАН СЭРГИЙЛЭХ ХЭРЭГТЭЙ

ӨНӨӨДӨР ХҮҮХДИЙГ ЗОДОЖ ШИЙТГЭХГҮЙ БАЙХ ОЛОН УЛСЫН ӨДӨР

ЦАГДААГИЙН БАЙГУУЛЛАГААС ОЛГОДОГ ЯЛ ШИЙТГЭЛИЙН ТОДОРХОЙЛОЛТЫГ “ҮЙЛЧИЛГЭЭНИЙ НЭГДСЭН ТӨВ”-ӨӨС АВАХ БОЛОМЖТОЙ БОЛЛОО

Б.ЭНХЧИМЭГ: ГЭМТ ХЭРЭГ ДИЖИТАЛ ХЭЛБЭРТ ШИЛЖИЖ БАЙНА.

РЭНЦЭНГИЙН САНЖ /1960-2020 он/

Эрүүгийн цагдаагийн албаны даргын 2020 оны 02 дугаар сарын 12-ний өдөр баталсан удирдамж төлөвлөгөөний дагуу албаны шуурхай байдал, алба хаагчдын аюулгүй байдлыг хангах зорилгоор Цагдаагийн ерөнхий газрын Авто баазын Ашиглалтын хэлтсийн алба хаагчидтай хамтран 2020 оны 02 дугаар сарын 15-ны өдөр тус албанд үйлчилгээ үзүүлдэг нийт тээврийн хэрэгсэлд техникийн үзлэг, шалгалтыг зохион байгуулж шаардлагатай засвар үйлчилгээг хийж гүйцэтгэлээ. Мөн тус албанд үйлчилгээ үзүүлдэг тээврийн хэрэгслийн жолооч нарт техникийн бүрэн бүтэн байдлыг тогтмол шалган өөрийн болон бусдын аюулгүй байдлыг хангаж, замын хөдөлгөөний дүрэм, журмыг чанд сахиж ажиллах талаар зөвлөмж, зааварчилга өгч баталгаа авч ажиллаа.

Тус албанаас "ӨНГӨ НЭМЬЕ" аяны хүрээнд Удирдлагын академийн багш, доктор, дэд профессор Г.Бадралмааг 02 дугаар сарын 14-ний өдөр Мөрдөн байцаах албаны хурлын танхимд урьж нийт алба хаагчдад “Хувь хүний төлөвшил байгууллагын хөгжилд нөлөөлөх нь” сэдвээр сургалт зохион байгууллаа.

Тус албанаас Цагдаагийн ерөнхий газрын Дэд дарга, цагдаагийн хурандаа Ж.Болд даргаас 2020 оны 01 дүгээр сарын 24-ний өдөр 3/30 дугаартай албан бичгээр, Цагдаагийн ерөнхий газрын Санхүү, аж ахуйн албаны дарга, цагдаагийн хурандаа Х.Доржсүрэн даргаас 2020 оны 01 дүгээр сарын 27-ны өдөр 6/134 дугаартай албан бичгээр тус тус ирүүлсэн ажлын чиглэлийг хэрэгжүүлэх зорилгоор “Ази фарм” эмнэлгийн их эмч Б.Өлзийхишигийг урьж авчран “Томуу, томуу төст өвчин болон Корона вирус өвчний шинж тэмдэг, түүнээс урьдчилан сэргийлэх арга зам” сэдвээр сургалт, мэдээлэл хийлгэж ханиад, томуу өвчнөөс урьдчилан сэргийлэх вакцинд сайн дураар хамрагдах хүсэлт гаргасан нийт 20 алба хаагчдыг томуугийн 4 төрлийн вирусийн эсрэг вакцинд хамрууллаа.

Тус албанаас "ӨНГӨ НЭМЬЕ" аяны хүрээнд Нийтийн хэв журам хамгаалах олон нийтийн аюулгүй байдлыг хангах албанаас хэрэгжүүлж буй "ХУВЬ ХҮНИЙ ТӨЛӨВШИЛ" арга хэмжээг хэрэгжүүлэх зорилгоор NTV телевизийн “Metro Star” нэвтрүүлгийн хөтлөгч Б.Батжавыг 02 дугаар сарын 07-ны өдөр урьж ирүүлэн нийт алба хаагчдад "Соёл ба албан хувцаслалт" сэдвээр сургалт зохион байгууллаа.

МЭДЭГДЭЛ

Цагдаагийн байгууллагаас Монголын уламжлалт сар шинийн баяр, амралтын өдрүүдийг угтан гэмт хэрэг, зөрчлөөс урьдчилан сэргийлэх, таслан зогсоох ажил, арга хэмжээг эрчимжүүлэх, шуурхай шалган шийдвэрлэх, иргэд, олон нийтэд холбогдох хууль тогтоомжийг сурталчлан таниулж, эрх зүйн боловсролыг дээшлүүлэх зорилгоор энэ оны 02 дугаар сарын 03-ны өдрөөс 02 дугаар сарын 28-ны өдрийг хүртэлх хугацаанд "Сар шинэ-2020" нэгдсэн арга хэмжээг улсын хэмжээнд явуулахаар төлөвлөн ажиллаж байна.

Тус албанаас алба хаагчдын мэдлэг, боловсролыг нэмэгдүүлэх, албаны дүрэмт хувцас өмсөж, хэрэглэх журмын хэрэгжилтийг хангуулах, Цагдаагийн ерөнхий газрын Захиргааны удирдлагын газрын даргаас 2019 оны 12 дугаар сарын 19-ний өдөр ирүүлсэн ажлын чиглэлийг хэрэгжүүлэх зорилгоор 2020 оны 01 дүгээр сарын 10-ны өдөр Нийслэлийн цагдаагийн удирдах газрын Дотоод аюулгүй байдлын хэлтсийн Ёс журмын тасгийн ахлах офицер, цагдаагийн ахлах дэслэгч М.Ганзоригоор нийт алба хаагчдад Цагдаагийн ерөнхий газрын даргын 2018 оны А/143 дугаар тушаалаар баталсан “Дүрэмт болон ажлын хувцас өмсөж хэрэглэх журам”, Цагдаагийн байгууллагын үйл ажиллагааны “Дүрэмт хувцас өмсөж, хэрэглэх /код917/" журмаар тус тус сургалт оруулж, журмыг хэрэгжүүлэх талаар алба хаагчдад үүрэг чиглэл өгч ажиллаа.

Монгол улсын хэмжээнд 2019 онд үйлдэгдсэн гэмт хэрэг, зөрчлийн нөхцөл байдал, гэмт хэрэг, зөрчлөөс урьдчилан сэргийлэх чиглэлээр зохион байгуулсан ажил, арга хэмжээ, үр дүнгийн талаар иргэд, олон нийтэд мэдээлэл хүргэх зорилго бүхий хэвлэлийн хурал өнөөдөр /2020.01.09/ Нийслэлийн цагдаагийн удирдах газарт зохион байгуулагдлаа.

Эрүүгийн цагдаагийн алба, Цагдаа, Дотоодын цэргийн сургалтын нэгдсэн төвтэй хамтран 2020 оны 01 дүгээр сарын 06-ны өдөр тус албаны нийт бие бүрэлдэхүүнд "Галт зэвсгийн талаарх ойлголт", “Цагдаагийн албан хаагчийн тусгай хэрэгсэл, галт зэвсэг хэрэглэх чадвар” сэдэвт сургалтыг зохион байгууллаа.